16-желтоқсанда бүкіл халқымыз Қазақстан Республикасының Тәуелсіздік Күнін атап өтеді, ол дамудың жаңа жолына түсіп, халықтың бостандық туралы ғасырлық армандарын жүзеге асырды.

2022 жылғы 15-желтоқсанында № 8 жалпы білім беретін мектепте Қазақстан Республикасының Тәуелсіздік күніне арналған салтанатты жиын өтті. Жиынның басында мектеп директоры Унайбеков Руслан Буранбаевич сөз сөйлеп, барлық қатысушыларды Тәуелсіздік күнімен құттықтады.

Содан кейін жүргізушілер, сегізінші тоғызыншы сынып оқушылары Қазақстанның тәуелсіздікке қалай бет алғаны туралы айтып берді. Театрландырылған қойылым кезінде Төле би, Ләззат Асанова, Рысқұлбеков Қайрат Отанға деген сүйіспеншіліктерін білдірді.

Салтанатты жиын соңында мектеп директоры Унайбеков Руслан Буранбаевич пен тарих пәнінің мұғалімі және мерекелік іс-шараның сценарийінің авторы  Жұмабаева Зоя Есімжановна,  «Ұлы даланың Ұлы тұлғалары» атты МӘБ тарих және география онкүндігіне белсенді қатысқан білім алушыларға грамоталар табыс етті.